Reint sportslig

Arnt Birkedal med ny roman for unge: Reint sportslig er andre boka om Vaskehjelpa. Den første var La stå!! frå 2011. No tar Vaskehjelpa toget til Jæren. For å finna ho Ragnhild. Og kanskje, i same slengen, idrettens verd. Kan dette vera idrettens verd? tenker ho. Er det her denne idrettsverda byrjar? Ho såg ikkje gjerda rundt ein gong. Kom ho bare plutselig innanfor? Det kan nesten verka slik. Reint sportslig er ei bok for unge i alle aldrar. Arnt Birkedal er fødd 1959 i Stavanger, der han bur. Han debuterte i 1983 med diktboka Balladen om hålet i dørå og har sidan skrive ei lang rekke bøker, dikt og prosa, for vaksne og unge. Han har mottatt Samlagsprisen (2007), Rasmus Løland-stipendet (2008) og Teskjekjerringsprisen (2008) for bøkene sine.