Betongarbeid

Betongboka er skriven for elevar i vidaregåande skole, lærlingar og praksiskandidatar. Ho er oppdatert etter fagutviklinga og tar utgangspunkt i kompetansemåla i ny læreplan for vg3 betongfaget/opplæring i bedrift.
Her får du ei inngåande beskriving av både det praktiske og det teoretiske som blir kravd av ein betongfagarbeidar. Boka sikrar ein god samanheng mellom opplæring i skole og bedrift. Dette er den første komplette læreboka om betongfaget etter at dei fire tidlegare lærefaga blei slått saman: betong- og grunnarbeid, forskaling, armering og betongindustri.
Målgruppa er elevar på vg1 bygg- og anleggsteknikk innanfor yrkesfagleg fordjuping, elevar på vg2 betong og mur innanfor programfag og yrkesfagleg fordjuping og lærlingar i betongfaget. I tillegg er boka eit oppslagsverk for erfarne betongfagarbeidarar og aktuell støttelitteratur for ingeniørstudentar. Boka har to delar: Material- og produktlære Utføring på byggeplass Læreverket består av ei lærebok og ein nettressurs. Til saman utgjer desse eit samla læremiddel som sikrar at opplæringa kan varierast både i klasserom, verkstader, lærebedrifter og ved sjølvstudium.