Den heilage Severin

Mellom dei store tidsskifte i historia er folkevandringane utetter frå det 4. hundreåret eit av dei mektigaste og mest dramatiske. På mange måtar stig dermed og vår eiga folkeætt for alvor inn i verdssoga. Den vesle boka som her for første gong kjem ut på norsk, er eit særmerkt og fengslande bilete av denne overgangen. Meir enn noko anna verk frå tida fører det oss midt inn i det som hende under den store omveltinga, slik tilgangen laut ta seg ut også for vanlege kvarddagsmenneske. Ein får levande for seg dei krefter som er i gang, og korleis sjølve livsforma på mange måtar skiftar.